Estatu mailako Herri-Ekimen Legegilea sortu berri dute «estatu espainiarreko lurraldean bizi diren 500 mila pertsona atzerritar erregularizatzeko». Zehazki, ekimenak lortu nahi du atzerritarren ez-ohiko erregularizazioa, «lan eta egoitza baimena lor dezaten». Horretarako, sinadura bilketa jarri dute martxan, eta etzi, larunbatean, egongo da jomuga babesteko aukera.
Plaza Berrin jarri dute horretarako hitzordua, goizeko 11:30etatik arratsaldeko 14:00etara. Euria eginez gero, Atsegindegin izango da sinadura bilketa. Donostian ere izango da horretarako aukera, Anoetako eusko-tren geltokian, goizeko 10:00etatik arratsaldeko 14:00etara bitartean.
Argitzera eman dutenez, «azken balioztapenen arabera, Espainiako estatuan 390.000 eta 470.000 pertsona artean bizi dira modu irregularrean, horien herena adin txikikoa izanik».
Egun, aipatu dute, «indarrean dagoen LO 4/2000 legearen egoitza baimenerako sarbide sistema murritza eta eskasa da, eta ez dio gaur egun espainiar estatuan bizi diren eta lan egiten duten pertsona atzerritarren errealitateari erantzuten».