Eñaut Agirrek eta Iñaki Sanz-Azkuek Euskara eta natura txirikordatuz hitzaldia eskainiko dute etzi, hilaren 17an, Usurbilen. Euskal gizarteak naturarekin izandako harremanak utzitako ahozko ondareaz arituko dira; besteak beste, erdigunean jarriko dituzte kondairak, ezagutzak, sinesmenak, eta abar. Gure faunari eta florari begira: ornodunak liburua oinarri hartuta solasaldi aberatsa eskainiko dute. 19:00etan jarri dute horretarako hitzordua, Potxoenean.
Herriz herri hitzaldiak eskainiz
Agirre eta Sanz-Azkue herriz herri dabiltza hitzaldiak eskaintzen. Azkena Goizuetan izan zen eta beste hainbat herritatik ere jaso dituzte gonbidapenak. Naturari lotutako ahozko ondarea biltzen du liburuak: bertan ikusten da, Urumeako bizilagunek nola begiratu dioten naturari, eta zein harreman izan duten naturarekin.