Aurreko asteko partidu gogorren ondoren, Hernaniko seniorren bi taldeek gaur eta bihar izango dituzte partiduak. Euskal Ligako mutilek gaur, Donostiako Pio Barojan, jokatuko dute 17:00etatik aurrera Bera Beraren kontra. Hasiera batean ez du aurreko partiduaren gogortasunik izan behar. Hernaniarrek talde sendoagoa dute eta ez baldin badago ezustekorik garaipenak hernaniarra beharko luke. Donostiarrak zazpigarren daude sailkapenean, bederatzi taldeetatik, eta bi garaipen bakarrik lortu dituzte. Hernani laugarrena da sei garaipenekin.
Neskak ere bisitari bezala ariko dira, baina urrutiago. Errioxara bidaiatuko dute bihar, eguerdiko 11:30etan, Bodegas Corral taldearen aurka jokatzeko. Partidu oso gogorra espero da seigarren eta zazpigarren sailkatuaren artean. Hernanik lau garaipen ditu eta sei porrot eta errioxarrek berriz hiru partidu irabazi dituzte bederatzi partiduetan. Parekotasuna ia da osoa bi taldeen artean.
Kadeteen Hernani 2k, bakarrik etxean
Asteburuan ia talde denek etxetik kanpo jokatuko dute, baina neska kadeteen Hernani 2 taldeak kiroldegian, gaur 10:00etan, izango du partidua Lizardi zarauztarren kontra. Hernanin ez da beste partidurik jokatuko.