Bultza Ligako jardunaldia zeukan Hernanik, igandean, Arrasateko Mojategi zelaian. Inklusibotasunera bidean, oso egun berezia bizi zuten bi taldeek; eta urteurren borobila ere ospatu zuten bertan. Izan ere, 50 urte bete ditu Arrasateko errugbi taldeak, eta aitortza egin zion Hernaniko Errugbi Elkarteak: txapela eta garaikurra eskaini zion, talde arrasatearrari.
Giro paregabean, ederra izan zen eguna: entrenamendu bateratua egin zuten bi taldeek aurrena, eta Bultza Ligako partidua jokatu zuten ondoren.