Urtea modu ezin hobean amaitu zuen Hernaniko talde barneratzailek, izan ere, abendu ederra bizi izan zuen Almeria, Madrileko eta Valladolideko bidaiekin, eta orain, otsaileko lehen asteburu honetan, bueltan dira hernaniarrak, indarrez beteta partiduak jokatzera.
Gaur, Bultza Ligako bigarren jardunaldia jokatuko du talde barneratzaileak, Arrasaten, eta bertakoa den Gaztediren aurka neurtuko dituzte indarrak. Partidua eguerdiko 12:30etan hasiko da, eta ordubete lehenago, Arrasateko errugbi taldearekin entrenatuko dute, «entrenamendu bateratu bat eginez». Bertakoek, talde barneratzaile berria dute, eta hernaniarrek azken urteetan egindako lana eta esperientzia ikusteko, «eta ikasteko», bi taldeek entrenamendua batera egingo dute.
Mojategin, 12:30etan
Beraz, indarrez beteta dagoela dio Hernaniko talde barneratzaileak: «partidurako eta aurrez egingo den entrenamendurako». Eta esan bezala, Mojategin jokatuko da Hernani vs. Gaztedi partidua, 12:30etan hasita.