Santa Ageda bezpera hurbiltzen ari den honetan, ohiturekin jarraitu nahi izan du Ohitura Zaharrak taldeak, eta horretarako otsailaren 4an, kantu kantari irtengo dira Hernanitik barrena. Arratsaldeko 17:45etarako jarri dute hitzordua, Milagrosatik aterata. Ahotsak berotzeko, bi ensaio egingo dituzte irteera egunaren aurretik: lehenengoa gaur izango da, arratsaldeko 19:30etan Biterin, eta bigarrena ostegunean, leku eta ordu berean. Ohitura Zaharrak taldeko kideek herritarrak gonbidatu nahi izan dituzte haiekin bat egitera: «kantuan arituko gara, elkarrekin, txistulariekin eta bertsolarien laguntzarekin. Beraz, zatoz parte hartzera!».