Otsailerako ekintza mordoa, Gaztelekuan

Mota guztietako jarduerez lepo dator otsaileko egitaraua, eta Gaztelekuak antolatutako jarduera horiek, betiko moduan, 12 eta 17 urte bitarteko gazteei bideratuak dira. Hilabeteko lehen ekintzari ostegunean emango zaio hasiera: interesguneak saioarekin. Arratsaldeko 17:30etan hasiko da, eta 19:30ak arte iraungo du. Gaztelekuak aditzera eman du, bertan, gazteen interesak bildu eta martxoko egitaraua zehaztuko dutela: «gazteen gustu eta nahien arabera».

Otsailaren 12an, sukaldean aritzeko zita jarri du Gaztelekuak. Arratsaldeko 17:30etan hasiko da sukaldaritza tailerra, eta kroketak egingo dira. Ekintza honetarako, gainera, aldez aurretik izena eman behar da, eta gaur irekiko da epea: «apuntatu ahal izateko, izenemate orria beteta eduki behar da». 

Hilaren 13an, berriz, Gazte Parte egitasmoarekin jarraituko dute. Arratsaldeko 17:30etatik aurrera, urtarrileko saioan gazteekin adostutakoa aurrera eramaten saiatuko dira Gaztelekuko hezitzaileak: «hau hilabetean behin egingo dugu, eta helburua da gazteen parte hartzea sustatzea, hau da, gazteak Gaztelekuko espazioaren protagonistak izanda, bertan egin ditzaketen aldaketa eta berrikuntza prozesuak abian jartzea». 

Ekintza horiez gain, eskulan tailerra ere eskainiko da otsailaren 16an, eta hilaren 19an, berriz, ligoeto sanoa tailerra landuko dute hezitzaileek gazteekin. Sexu lapikoa jarduera ere antolatu da eta inauterikin lotuta, maskarak ere egingo dira.