Oso arrakastatsua izan da Txantxilla auzoko Elkartasun Borobila festa, ostiralean eta larunbatean, ELA gaixotasuna daukan Luis Montero Martinez Pitu bizilagunari laguntzeko. Horretarako eskuragarri jarri zituzten laguntza-bono guztiak agortu dira, eta hainbat herritar erosi ezinik geratu direnez, beste modu bat ere jarri dute aukeran, nahi dutenek Pituri lagundu ahal izateko: Bizum bidez egin daitezke ekarpenak, 667 406 433 zenbakira. Festaren antolatzaileak oso eskertuta agertu dira, egun hauetan herritarren aldetik jasotako babesarekin eta elkartasunarekin.