Mendi irteera antolatu zuen Amher elkarteak, aurreko asteburuan, Muliskoko estazio megalitikora joateko. Eta giroa hotza bazen ere, zeru argiak makina bat herritar animatu zituen. Horrela, 20 bat hernaniar elkartu ziren, bertakoak zein beste herrialde batzuetatik etorritakoak.
Talde polita osatuta eta eguraldia lagun, giro onean osatu zuten ibilbidea, eta ezagutu zituzten Muliskoko ingurunea eta bertako trikuharri eta mairubaratzen historia, azalpenak adi-adi entzunda.
Esperientziarekin pozik, ibilbide gehiago prestatzeko gogotsu egin zuten bueltako bidea. Are gehiago, udaberriari begira proposamen berriak egingo dituela ziurtatu du Amherrek.