Biteri kultur etxean gaur, 19:30etan, akordeoi kontzertu bat eskainiko du Hernani Musika Eskola Publikoko akordeoi orkestrak, Maribel Insaustiren gidaritzapean.
Kontzertua Astor Piazzolla musikari argentinarraren monografiko bat izango da eta bertan entzungo dira bere kantu ezagunenak: Libertango, Adios Nonino, Primavera Porteña, Chiquilin de Bachín, Violentango, Tzigane Tango...
Tango sinfoniko izeneko genero berri bat sortu zuen, tangoan, musika klasikotik eta jazzetik hartutako harmonia eta erritmo-egitura berriak txertatuz.
Sarrera doan da baina gonbidapena behar da aforoa mugatua dagoelako.
Gonbidapenak Biteri kultur etxean bertan eskuratu daitezke.