Aitor Zelaiari eta Galder Barbadori «elkartasun osoa» adierazteko, hitzordua jarri du Hernaniko Ernaik, etzirako: elkartasun argazkia aterako dute Tilosetako eskaileretan, eguerdiko 12:00etan; eta herritar guztiei luzatu diete deia, bertaratzeko. «Aitorrek eta Galderrek egun batetik bestera jaso dezakete Auzitegi Gorenaren ebazpena, Audientzia Nazionalak lau urteko espetxe zigorra ezarri ondoren. Guk, ordea, argi daukagu ez dugula injustizian oinarritutako epaiketa hau onartzen».