Otsailaren 10ean izango da aurreneko emanaldia, Biterin, Geuretik Sortuak egitasmoaren barruan: Bidaide eskainiko du Metrokoadroka Sormen Laborategiak, 19:30etan Biterin. Eta horretarako, sarrerak salgai daude dagoeneko, Biterin bertan eta kultura.hernani.eus webgunean, 8 euroan. «Herrietako erraldoien iruditeriatik modu poetikoan abiatuta, haundia eta txikia izatearen arteko aldeaz, herrietako kulturgileen ikusezintasun hautazkoaz edo ez-hautazkoaz, kultura bizitzeko moduez mintzo da», aurreratu dutenez.