Ipuin kontaketa saio bikoitza eskainiko du gaur arratsaldean, Biterin, Maite Frankok: aurreneko saioa 17:30etan, eta bigarrena 18:15etan. 4-6 urtekoentzat da, eta edukiera mugatua denez, aldez aurretik eskatu behar dira gonbidapenak, liburutegian.
Bestalde, Emakumeen Euskal Literatura Mintegiaren saioa ere izango da gaur bertan, Biterin. Kattalin Minerrek gidatuta, Garbiñe Ubedaren Hobe isilik liburua aztertuko dute, 19:00etan hasita.