Enherkom kooperatiba sortu zen atzo, Iturolan

Enherkom kooperatiba sortzeko, batzar eratzailea izen atzo.

Talde sustatzaileko kideak izan ziren bertan, eta proiektuaren nondik norakoak azaltzeaz  gain, kargu ofizialak izendatu zituzten.

Atzo arratsaldean izan zen, Iturolan, Hernaniko Energia Berriztagarrien Komunitatearen batzar eratzailea. Enherkom kooperatiba sortu zen, eta komunitatearen helburuen berri emateaz gain, taldeko kargu ofizialak izendatu zituzten. Argi utzi zuten erabakiak eta kooperatibaren erritmoak «orain arte bezalaxe, bazkideen esku» egongo direla. Horrekin, deialdia luzatu diete herritarrei, elkarteei, eragileei eta enpresei bazkide egiteko. Bazkide izateko, 10 euroko ordainketa bakarra egin beharko da. Interesa dutenek edo informazio gehiago behar dutenek, idatzi honako helbide honetara: info@enherkom.eus.

Administrazio publikoa, enpresak eta herritarrak barnebiltzen ditu Enherkomek, eta energia berriztagarrien komunitatea sortu dute irabazi asmorik gabeko kooperatiba gisa. Atzoko batzarrean azpimarratu zutenez, helburua da «trantsizio energetikoa sustatzea modu partehartzaile, demokratikoan eta kolektiboan».

Kronika egunero, euskaraz eta doan jasotzen segi ahal izateko, Kronikalari gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez Kronikalari!