Urtarrileko agendaren barruan, Beldur Barik programaren barruan, hainbat tailer antolatu ditu Gaztelekuak datorren ostegunerako. Autodefentsa feministari eta maskulinitateari buruzkoak izango dira, 12 urteko nerabeei zuzendutakoak. Denera, bi orduko saioak izango
dira arratsaldeko 17:30etatik 19:30etara bitartean. Gainera, ikastaroa doakoa dela ere aurreratu dute arduradunek.
Izena emateko epea bihar amaituko da, igandean. Beraz, interesa dutenek, oraindik ere badute tailerrean apuntatzeko aukera. Horretarako, hainbat bide zehaztu dituzte: Gaztelekura bertaratuta; 688 823 420 telefono zenbakira deituta, Gaztelekuko ordutegian; gaztelekua@hernani.eus helbidera idatzita; edo, bestela, sare sozialen bidez (@hgaztelekua).
Taldea mugatua izango da eta, horrenbestez, Gaztelekuko hezitzaileek aipatu dute «plazak bete arte» izango dutela irekita izena emateko epea.