Lizeaga kaleko asfaltatze lanekin jarraituko dute gaur. Horregatik, kale horretatik GI-2132 errepidera, ibilgailuen irteera moztuko da. Gidariek Victor Hugo eta Larramendi kaleetatik desbideratu beharko dute, Txantxillako biribilgunerantz. Bestetik, bihar, asfaltatze lanak egingo dituzte tarte horretan eta, horrekin batera, Elkano-Larramendi bidegurutzean, ur matxura gertatu zen puntuan, zonaldea asfaltatuko dute. Bihar ere, Izpizua-Elkano bidegurutzean arituko dira lanean eta, azkenik, Lizeaga kalean margoketa lanekin hastea aurreikusi dute. Elkano-Larramendi eta Izpizua-Elkano inguruan, berriz, ostegunean ekingo diote lan horri.