Barre algara artean hartu zuten etxeko txikienek, urtarrilaren 4an, Itziar Fragua aktorea. Ganbarako doinuak emanaldia eskaini zuen, eta txikiek gozatu ederra hartu zuten Biterin.
Antzerkiko protagonista baserri zaharrera joan zen, eta ganbaran, bere antzinako babesleku eta jolas labirintoan sartzean, oroitzapenak etorri zitzaizkion burura.
Horrez gain, mezu argia helaraztea ere izan zuen helburu; izan ere, emakumeak baserriko zutabe gisa duen balioa oholtza gainera igo zuen Fraguak.