Gabon ederrez gozatzeko aukera izan dute etxeko txikiek Dobera Euskera Elkarteak antolatutako ekintzekin: batetik, Negulekuak; eta, bestetik, Oporrak familian eta euskeraz. Bi ekintzei bihar emango zaie amaiera talde jolasekin. Atsegindegin egingo dira, goizeko 11:00etan hasita. Oraindik izena emateko aukera dago, dobera@dobera.eus helbidera idatzita edota 662 406 692 telefonora deituta.
Orain arte makina bat ekintzetan hartu dute parte herritar txikiek; besteak beste, buruarinen tailerrean Tantaieko lagunekin batera. 15 haurrek hartu zuten parte, eta egindako buruarina etxera eramateko aukera ere eduki zuten.