Ez da kabalgatarik izango aurten Hernanin, Errege Egunaren bezperan, osasun egoeraren eraginez. Errege Magoek, ordea, ez dute hutsik egingo gauean, herriko etxeetan. Eta hori iragartzera aterako da Hernaniko Musika Banda etzi, urtarrilaren 5ean. Urteroko kale buelta egingo du herrian barrena, 18:00etan Plazatik abiatuta, Erregeak datoz doinuaren airera.
Gabonetako laugarren zita izango du Musika Bandak, abenduaren 18an kontzertua eskaini baitzuen Plazan; 24an Sandiusterrin izan zuen emanaldia; eta egun berean Gabon gaueko erronda egin zuen Kaxkoan.