Sute batek erabat beldurtu zituen Floridako bizilagunak atzo Gabon gaueko ospakizunean Sua 23:10etan piztu zen, Florida kaleko Hernani hiru solairuko 108 zenbakiko eraikinaren teilatuan, Etxeberri auzoan. Abisua jaso ondoren, suhiltzaileak bertaratu ziren, baina ezin izan zuten eragotzi eraikinaren teilatua sugarretatik behera erortzea. Suak, gainera, kalte haundiak eragin zituen goiko etxebizitzetan.
Kalte material haundiak
Ertzaintzaren iturrien arabera, sutearen ondorioz, blokeko sei etxebizitzak hustu behar izan zituzten, eta bizilagunak beren kabuz atera ahal izan ziren. Ez zen inor zauritu. Istripua izan zuen eraikinaz gain, inguruan aparkatuta zeuden lau ibilgailuk gutxienez kalteak jasan zituzten, ur-jausiak eraginda. Hernaniko Udalak bere gain hartu du etxegabetutako familiei ostatu ematea, ezbeharraren nondik norakoaren berri izan arte.
Oraindik ez dakite seguru zerk eragin duen sua, baina Ertzaintzak eta suhiltzaileek bere gain hartu dute ikerketa eta badirudi tximinitik sortu zela sua. Bestalde, sutea itzalita egon arren, suhiltzaileak inguruan egon ziren ia egun osoan zehar, prebentzio-lanak egiten.