Aurreikusita zeuden asfaltatze-lanekin jarraituko dute aste honetan Udal langileek. Gaur, Perkaiztegi kalean margoketa-lanak egingo dituzte, eta, Aristizabal kalean, baina soilik anbulategi parean, kutxatiletan, igeltseritza-lanetan arituko dira.
Bihar, berriz, zenbait aldaketa izango dira trafikoan. Izan ere, asfaltatze-lanak egingo dituzte osasun-zentro pareko errepidean. Trafikoa moztuko dute eta saihesbidea Txirrita eta Izpizua kaleetatik gora egin ahal izango da.
Ondoren, tamaina txikiko konponketan egingo dituzte asfaltoarekin Elkano-Izpizua bidegurutzean, Urumea Ikastola zaharraren parean, Elkano-Larramendi bidegurutzean eta Laramendi kaleko hasieran.
Etzi, Sagastialden, Floridan eta Haur Eskola ondoko aparkalekuan arituko dira konponketa eta asfaltatze-lanetan.