Herenegun, Adinekoen Egoitzako 68 urteko gizon bat desagertu zen herrian. Egoitzako arduradunek zabaldu zuten abisua, eta berehala hasi ziren bilaketa lanak Hernanin eta inguruetan. Ostiral osoa eman zuten gizonaren bila, eta, azkenean, atzo aurkitu zuten, goizeko 08:30ak aldera. Karabel inguruan zegoen, Ertzaintzak eta DYAk jakitera eman dutenez, «egoera larrian». Atzo bertan eraman zuten Donostiako ospitalera, eta Ertzaintzak zein Adineko Egoitzako kideek adierazi dute «momentuz ezin dutela gaiaren gaineko berri gehiago eman».
Bilaketa operatiboan parte hartu zuten Zaintza eta Erreskate Unitateak (UVR), Txakur Unitateak eta Hernaniko ertzain-etxeko Ertzaintzaren patruilak, MPko agenteek, Euskadiko Salbamendu Txakurren Taldeak (G.P.S.E.), Gurutze Gorriko eta DYAko baliabideek.