Amaitzear dago jostailu bilketaren ekimena, eta orain artekoa bildu ondoren, ostegun arratsaldean entregatu zituzten Hernaniko errugbiko hainbat jokalarik, Amher elkarteari jasotako jostailuak. Hala ere, asteburu honetan zehar jostailu gehiago entregatzeko aukera egongo da, etzi egingo baitute azken entrega Amherren. Halaber, gaur goizeko 11:00etatik 14:00etara eta 16:00etatik 19:00etara bitartean, arropa eta jostailu banaketa egingo du Amher elkarteak, Latsunbe 42 zenbakian. Eta bihar, goizeko 11:00etatik 14:00etara ere bai.