Asko eta asko dira sortzaileak Urumea bailaran. Ezagutzen ditugunak baino askoz ere gehiago dira, eta imajinatu dezakegun kopuru altuena ere erraz gaindituko dute, seguruenik. Eta horregatik, ezezagun zaizkigun sortzaileei ikusgarritasuna eman nahian, Sortzaileon Azoka antolatu du Dobera-Kronikak.
Gaur izango da azokaren estreinako edizioa, Atsegindegin, goizeko 10:00etatik 14:00etara. Bailarako sortzaileak izango dira protagonista, eta 23 postu jarriko dituzte, mota guztietako produktuekin. Bertan aurkituko dituzte, azokara gerturatzen diren herritarrek, Gabonetarako opari original eta ederrenak.
Olentzero eta Mari Domingi panpinen lehiaketa, azokan
Dobera-Kronikak ere jarriko du postua azokan, bere produktuekin: telazko poltsak, botilak, Gure faunari eta florari begira liburua, Latxe aldizkaria, Ipuin Faktoriako produktuak...
Eta txoko bat gehiago ere izango da Sortzaileon Azokan, oso berezia, herritarrek egindako Olentzero, Mari Domingi edota Kottonio astoaren panpinekin. Izan ere, bigarren urtez antolatu da lehiaketa, eta oraingoan, bertara eraman beharko dituzte panpinak herritarrek, 10:00etatik 11:00etara; eta bertan egongo dira erakusgai. Partehartzaile guztien artean, hiru sari banatuko dira, 13:00etan: azokako sortzaileek aukeratuko dituzte bi onenak (helduak eta haurrak), eta zozketatu egingo da hirugarrena.
SORTZAILEON AZOKA •Ainara Ortega abeslaria •Amaia Oihaneder: zeramika eta makramea •Arbasoa musika taldea •Arrate: puntua, gantxilloa •BerexiArt: diseinua •Bitartean folk musika taldea •Gaitzerdi: 'amaia' liburua •Hego Haizea musika taldea •Hiruloretxo: motxilak (eskuz) •Incansables txaranga •Itzal: konplementuak •Izaskun eta Josune: xaboiak... •Koloreztatu: xaboiak, kosmetika •Maddi Zumalabe ilustratzailea •Maitandu Makrame •Maite Arrieta: bitxiak •Otsaihen: garagardoa •Puochinah: arropa afrikarra •Saioa Arteaga: pintura •Saioart: ilustrazioa •Sigue la Estela: umeentzakoak •Txirikorda: konplementuak |