Atzo jokatu zuten Gipuzkoako lehenengo mailako bosgarren partidua, Mundarroko neskek, Astigarragako kiroldegian Easoren kontra. Eta gaur daukate hitzordua, Mundarroko eta Hernaniko mutilek. Donostian ariko dira bi taldeak. Hernaniarrek Aieteko kiroldegian jokatuko dute, arratsaldeko 16:00etan hasita; eta Atletico San Sebastian izango dute aurrean, ligako bigarren sailkatua. Partidu gogorra izango dute, beraz.
Astigartarrek, berriz, Paco Yoldi kiroldegian jokatu beharko dute, iluntzeko 20:00etan hasita; eta itxuraz irabazteko moduko partidua daukate, Askatuak taldearen kontra: 10 partidutik hiru irabazi dituzte donostiarrek.
Une honetan, seigarren eta zazpigarren daude Mundarro eta Hernani: sei garaipenekin astigartarrak, eta bat gutxiagorekin hernaniarrak.