Abenduaren 1ean eman zitzaien hasiera Udalak antolatutako Oroimen Jardunaldiei. Hainbat ekitaldi egin dituzte aurreko asteetan, eta azken saioa gaur izango da, 19:00etan, Biterin. Zehazki, Apaiz kartzela film-dokumentala proiektatuko dute. Diktaduraren errepresioaren aurkako jarrera erakusteagatik, 1968tik 1976ra bitartean Zamorako apaiz kartzelan preso egon ziren abadeen bizipenen gainekoa da ikus-entzunezkoa. Ondoren, solasaldia izango da. Horretan, parte hartuko dute Ritxi Lizartza egileetako batek eta Juan Mari Zulaika Zamorako kartzelan preso egondako apaiz batek.
Erakusketa, larunbatera arte
Oroimen Jardunaldien barruan, Burgosko prozesua. Frankismoari epaiketa erakusketa aurkeztu zuten, eta ikusgai egongo da Biterin, ohiko ordutegian, abenduaren 18ra arte.