Kontrakantxa Gaztetxeak 15 urte bete ditu aurten, eta egitarau zabala prestatu dute ospakizunerako. Antolatutakoari jarraipena emateko asmotan, aste honetan festak etenik izango ez duela aurreratu dute.
Bihar, ping-pong txapelketa eta pintxo-potea izango dira, 18:30etan hasita.
Mahaingurua eta kontzertuak
Ostiralean, egitarauko azken egunean, mahaingurua izango da 17:30etan. Gaztetxearen azken urteetako bilakaerari buruz hitz egingo dute, eta ibilbide horretan guztian gertatutakoak oroituko dituzte. Ondoren, eguna ezin hobe amaitzeko, kontzertuak izango dira 21:00etan. Lizarrako La Scolta eta Raimundo el Canastero, eta Mungiako TOC taldeak igoko dira oholtza gainera. Sarrerak 5 euroan daude salgai, eta eskuragarri izango dira gaztetxean, ostiralean bertan, 18:30etatik aurrera.