Doberaren Ezohiko Batzar Orokorra gaur arratsaldean, Biterin

Doberaren Ezohiko Batzar Orokorra izango da gaur, Biterin, arratsaldeko 19:00etan hasita. Ezohiko Batzar Orokor horretan, Kronikaren egitura juridikoa aztertzeko proposamena jarriko da mahai gainean, eta prozesu horri hasiera emateko onarpena eskatuko zaie bazkideei. Gai-zerrenda, zehazki, hauxe izango da: lehenik, Kronikaren egitura juridikoa, azterketa hasteko proposamenaren azalpenak eta arrazoiak; bigarrenik, bazkideen galderak; eta, azkenik, egunkariaren egoera juridikoaren azterketa-prozesua hasteko bozketa.