Sakanako Gure Pilota Txapelketa ari dira jokatzen hiru palista hernaniar, aste hauetan; eta ligaxka bukatuta, finalerdietara sailkatu dira hirurak: Amaia Irazustabarrena, Irati Igoarekin; Maider Huizi, Leire Galdosekin; eta Ariane Arrieta, Irati Saraguetarekin. Sei bikote aritu dira guztira, bi multzotan banatuta; eta lehia haundia izan da pasea lortzeko: bietan, garaipen banarekin bukatu dute hiru bikoteek, eta tantoen arabera erabaki da.
Igande honetan jokatuko dituzte semifinalak, Etxarri-Aranazen. Aurrenekoan, Huizi eta Galdos ariko dira, Murillo eta Erasunen kontra. Eta bigarrenean, elkarren kontra jokatuko dute Saragueta-Arrieta eta Irazustabarrena-Igoa bikoteek.