Seigarren urtez antolatu du Hernani Errotzen elkarteak, Hernani ezagutu lehiaketa, «herriaren historia gizarteratzeko eta hernaniarrei herriko ondarea ezagutuz gure altxorrak hurbiltzeko», nabarmendu dutenez antolatzaileek.
Dagoeneko martxan da lehiaketa, eta bi modutara hartu daiteke parte. Batetik, paperean egin daiteke, azpian ageri den fitxa beteta, eta Biteri kultur etxean dagoen kutxan utzita. Eta bestetik, internet bidez ere izango da aukera, galdetegia betetzeko, euskalnafarrak.eus/hernani webgunean.
Datorren astelehenera arte har daiteke parte Hernani errotzenek antolatutako lehiaketan, eta 10 sari zozketatuko dituzte, lau galderak zuzen erantzuten dituztenen artean.
Honakoak dira lehiaketako galderak:
Zer izan zelako da ezaguna Joxepa Zubeldia hernaniarra (1865-1947)?
a) Erizaina b) Alkatea
c) Bertsolaria
Historialari batzuen arabera, zein produktu amerikar ekarri zuen Gonzalo Perkaiztegik Euskal Herrira?
a) Artoa b) Patata c) Kakaoa
Hernaniko nesken traineruak emakume izena du, zein?
a) Itsaso b) Maialen
c) Neska arraunlariak
2022an beteko dira 500 urte Gaztelak nafar gaztelu bat errenditu zuela, zein?
a) Erriberri-Olite b) Xabier
c) Amaiur