Kontrakantxak urte berezia du aurtengoa; izan ere, 15 urte bete ditu gaztetxeak, eta egitarau oparoa prestatu dute egun hauetarako. Azaroaren hasi zuten ospakizuna futbito txapelketarekin, bazkariarekin eta auzolanean aritzeko goizarekin.
Martxa hori hartuta, ostiral honetan eta larunbatean ere izango da zeregina. Hain justu, ostiralean, arratsaldean hitzaldia eskainiko dute eta, ondoren, 21:00etan, bertso afaria izango da Maide Garmendia, Txaber Altube, Aitor Bizkarra eta Iker Ormazabal bertsolariekin. Larunbatean, berriz, bazkaria, kalejira eta kontzertuak izango dira. Oholtza gainera igoko dira, gaueko 22:00etan hasita, Kaleko Urdangak, Street Wise, Barne Guda eta Sustrai Berriak. Egun potoloa izango da azken hori, eguerditik hasita gauerdira arte luzatuko baita egitaraua.
Jarraipena, datorren astean
Ekintza gehiago izango dituzte datorren astean eta abenduko azkenekoan. Hilaren 16an eta 17an dituzte hurrengo hitzorduak, besteak beste, ping-pong txapelketarekin eta pintxopotearekin. 20ko eta 27ko asteburuetan emango diote amaiera ospakizunari.
ABENDUAK 10
18:30 Hitzaldia: 'Faxismoa XXI.mendean'
21:00 Bertso afaria. Bertsolariak: Maide Garmendia, Txaber Altube, Aitor Bizkarra eta Iker Ormazabal.
ABENDUAK 11
14:00 Bazkaria, Atsegindegin.
18:00 Kalejira.
22:00 Kontzertuak gaztetxean: Kaleko Urdangak, Street Wise, Barne Guda eta Sustrai Berriak.
ABENDUAK 16
18:00 Ping-pong txapelketa eta pintxopotea.
ABENDUAK 17
Mahai ingurua: 'Gaztetxearen azken urteetako bilakaeraz' eta, ondoren, kontzertuak.