Zabalik dago izena emateko epea Hernaniko kiroldegian, datorren hiruhilekoko igeriketa ikastaroetan (urtarriletik martxora), ikasle berrientzat; aurreko hiruhilekoan parte hartu ez dutenentzat, alegia. Abenduaren 15era arte eman daiteke izena, kiroldegian edo interneten: kirola.hernani.eus. Abenduaren 16an egingo dute zozketa, eta plazarik libre geratuz gero, errepikatzaileek ere izango dute izena emateko aukera, abenduaren 17tik 20ra.