Hiru ikastaro labur antolatu dituzte, urtarrilaren 10ean hasita, adin ezberdinetako herritarrentzat. Batetik, haurrentzat, sormena, emozioak eta giza trebetasunak lantzeko tailerra egingo dute bi taldetan: 2018-2019 urteetan jaiotakoak, eta 2016-2017koak. Bi taldeek, astelehenetan izango dituzte saioak, Biterin, 17:00etatik 18:00etara. Eta bestetik, helduentzat, munduko sukaldaritzari eskainitako ikastaroa egingo dute, astelehenetan, 19:00etatik 21:00etara Kulturarteko Plaza Feministan. Guztietarako matrikulazio epea zabalik dago, Biterin edota kultura.hernani.eus webgunean.