Mota guztietako emaitzak izan dira asteburuan Hernanirentzat. Hala ere, garaipenak gehiago izan dira porrotak baino. Infantilen mailan, Hernani 1 eta Hernani 2 taldeek indarrak neurtu zituzten eta 2-3 irabazi zuen Hernani 2 taldeak. Hala ere, lehen urteko infantilak gogotsu aritu ziren.
Kadete nesketan, lau taldeek etxean jokatu zuten. Hernani 1 taldeak 3-0 gainditu zuen Hondarribiako Talaia Institutoa B. Hernani 2 taldeak, 0-3 galdu zuen Talaia Instituto A taldearen aurka. Hernani 3 taldeak, berriz, erraz gainditu zuen Goierri, 3-0 geldituz. Eta Hernani 4 taldeak, 0-3 galdu zuen Arizmendi Aretxabaleta taldearen aurka jokatuz.
Kadete mutilek, 0-3 garaitu zuten Hernaniko infantil taldea. Jubenil mailan, berriz, neskek zein mutilek, aurkariak gainditu zituzten. Neskek Toloboleiren aurka 3-0 irabazi zuten, eta mutilak emaitza berdinarekin, Tecnun taldearen aurka nagusitu ziren: 3-0.
Euskal Ligari dagokionez, igandean jokatutako partiduetan emaitza ona lortu zuten mutilek, izan ere, 1-3 garaitu zuten Arizmendi. Nesken kasuan, ez zen garaipenik lortu. Etxetik kanpo jokatu zuten hernaniarrek, Gasteizen hain justu. Jatorkide taldea nagusitu zen partiduan, 3-0 irabaziz Hernaniri.