Azaroko kultur agendaren barruan, Olatz Salvador musikari donostiarraren kontzertua izango da ostegun honetan, arratsaldeko 19:30etan, Biterin.
2021ean kaleratutako bigarren lana aurkeztuko du: Aho Uhal. 12 kantuz osatutako lan kontzeptuala da diskoa, kolaborazio esanguratsuak izan dituena: hitzetan, Alaia Martin eta Ane Labaka bertsolariak; eta, ahotsei dagokienez, Rozalén, Iván Ferreiro eta Idoia Asurmendi artistak, besteak beste.
Emanaldiaz gozatzeko azken sarrerak salgai daude 8 euroan, Biteriko leihatilan edo, bestela, online kultura.hernani.eus webgunean.