Etxetik kanpo jokatuko dituzte Hernaniko bi talde nagusiek, asteburu honetako partiduak, Euskal Ligan. Bihar daukate hitzordua, biek ere.
Gasteizen ariko dira neskak, eguerdiko 12:00etan hasita; eta partidu zaila daukate: Jatorkide izango dute kontrario. Lau partidutik hiru irabazita, sailkapeneko bigarren postuan daude gasteiztarrak. Hernani bosgarren dago, jokatutako hiru partiduetatik bakarra irabazita.
Mutilek, berriz, Aretxabaletan daukate zita, 11:00etan. Arizmendi izango dute aurrean, eta irabazi beharreko partidua da hernaniarrentzat, goiko postuetan aritzeko. Orain arte, jokatutako hiru partiduetatik bi irabazi ditu Hernanik, eta laugarren dago. Arizmendik partidu bakarra irabazi du, lau jokatuta.
Hernaniko kiroldegian, bestalde, sei partidu jokatuko dira gaur, guztira: goizeko 10:30etan neska kadeteen hiru talderenak; eta 12:30etan neska kadeteen laugarren taldearena, eta neska eta mutil jubenilak.