errugbia bere atal eta modalitate guztietan sustatzeko asmoz, errugbi inklusiboko Euskal Ligaren lehen edizioa antolatu du, klubekin elkarlanean. Asteburu honetan hasita, Bizkaia aldean hasiko da Bultza Liga.
Lau talde izango dira partehartzaileak; Gaztedi, Hernani, Getxo eta Universitario Bilbao, Euskal Herriko eta Espainiako errugbian aitzindari izan den ekimen honetan estreinatuko direnak. Ez dira emaitzak argitaratuko, lehenengo eta azken jardunaldiak egoitza berean jokatuko dira eta ez da sailkapenik egongo.
Horrela, Euskadiko Federazioak urrats sendoz markatzen ditu errugbiaren printzipioak, hala nola, inklusioa, diziplina eta iraunkortasuna; besteak beste, errugbia mota guztietako
morfologiak, altuak, baxuak, meheak, haundiak, azkarrak eta geldoak joka dezaketen kirola egiten baitute.
Lau taldeen arteko lehiaketa-sistema bi itzulira izango da, denak denen aurka. Euskal Federazioaren ideia da Iparraldeko talderen bat lehiaketara gonbidatzea. Jokalari kopurua 23 izango da talde bakoitzeko, sarrera gehiagori irekitako kapitulu batean. Aldaketak libreak izango dira.
Bi denbora egongo dira: lehena, 30 minutukoa; bigarrenaren iraupena epaileen eta taldeetako arduradunen artean adostuko da, partidua nola doan kontuan hartuta. Mele-ak hitzartuak izango dira eta talonatzailea eskarmentu haundiko pertsona izango da.