Mugen Gainetik Elkarteak antolatuta, hitzaldia izango da datorren asteartean, hilaren 16an, Kulturarteko Plaza Feministan.
Espainiako elektrizitate enpresek Chiapasko emakumeengan duten eraginaren gainean hausnartuko dute. Horretarako, hizlari lanetan arituko da Chiapasko Lilia Elena Iñiguez abokatu feminista eta defentsa juridikoan aditua. Iñiguezek auzi estrategikoak lantzen ditu generoaren, giza eskubidearen eta kulturartekotasun ikuspegitik.
Bestalde, egungo eredu energetikoa birmoldatzea proposatzen duen Goiener Elkarteko ordezkariak ere bertaratuko dira hitzaldira, «guztien artean egoera ezagutzeko eta aldaketarako pausoak ematen hasteko».