Egun osorako egitaraua antolatu dute gaurko, Buruntzaldeako Itaiako kideek. Emakumeen Antolakunde Sozialistak goizetik hasita gauera arteko plangintza prestatu du, eta gaztetxean jarri dute horretarako hitzordua.
11:00etan emango diote hasiera egunari. Emakumeen sexualizazioa jarriko dute mahai gainean, horretarako antolatutako hausnarketa saioan.
Ondoren, bazkaria egingo dute guztiek elkarrekin, 14:30etan. Bazkariaz gozatu nahi dutenek, atzo zuten izena emateko azken eguna, Goiz Argin, eta 8 euro ordaindu behar ziren horretarako.
Eguna ezin hobe amaitzeko, kontzertuak izango dira gaztetxean, baita ere. Aitza taldea igoko da oholtza gainera arratsaldeko 19:00etan eta, amaitzean, BassAgainen txanda izango da, 22:00ak aldera.