Joan den hilabetean, Langile Ikastolako bosgarren mailako ikasleek egin zuten Kronikara bisita. Aste honetan, ordea, seigarren mailakoen txanda izan da. Kazetaritza eta testu-generoak ari dira lantzen euskera ikasgaian, eta toki-komunikabideak ezagutzeko asmotan, Urumea bailarako egunkaria bisitatzeko irteera egin zuten Langilekoek.
Ilusioz hartu genituen talde guztiak, eta lau txandatan banatuta, adi-adi entzun zituzten azalpenak. Pozgarria da ikustea, agian, etorkizuneko kronikalariak, kazetariak edota langileak talde horietan egon daitezkeela. Segi horren fin, Langile!