Ostiral honetarako jarri du hitzordua, Buruntzaldeako Kontseilu Sozialistak: ikasturte hasierako batzar irekia egingo dute, arratsaldeko 18:30etan hasita, Biteri kultur etxean.
Batzar horretan arituko dira egungo testuinguruan gertatzen ari denari buruz, Kontseilu Sozialistak orain arteko egin duen ibilbideaz, eta ikasturte honetarako dauzkaten erronkei buruz. Eta hori guztia lantzeko, gonbitea luzatu diete, interesa duten guztiei.
Etxebizitzaren problematikaz jardunaldiak, datorren astean
Bestalde, Kontseilu Sozialistak aurreratu du, jardunaldiak antolatu dituztela datorren asterako, etxebizitzaren problematika lantzeko, klase ikuspegitik. Azaroaren 12an eta 13an izango dira, ostiralean eta larunbatean, Biterin. Laster emango dituzte xehetasun gehiago.