Hileroko hitzorduari eutsiz, odola emateko aukera izango dute gaurkoan hernaniarrek, hilabeteko lehenengo asteartean. Ohi bezala, arratsaldeko 16:30etatik 20:10etara bitartean jarri dute horretarako hitzordua. Eta gaurkoa ere Iturolan izango da, Florida auzoan. Lehen, Goiz Eguzkin izaten zen, baina uztailean lekuz aldatu zuten estrakzioak egiteko tokia, eta azkeneko txandak ere elkarlan sorgunean izan dira.
Ia hiru orduz arituko dira Iturolan, estrakzioak egiten. Odola emateko, hori bai, beharrezkoa da aldez aurretik zita eskatzea. Horretarako, deitu goizean telefono zenbaki honetara: 943 00 78 84.
Odol erreserbak haunditzeko beharra dagoela eta, txanda hartu eta odola ematera gerturatzeko deia luzatu diete Hernaniko Odol Emaileen Elkartetik, herritar guztiei.