Tilos 7 Pasa pala txapelketako finalerdiak jokatuko dira Tilosetan gaur eta bihar. Guztira bost finalerdi daude iragarrita eta horietako bi lehenengo mailakoak izango dira gaur bertan, 18:00etan eta 19:00etan.
Mailarik altuenean, larunbatean aterako dira finalaren bila, 18:00etan, Tilosetako frontoiko kantxara, Larralde eta Zapiain alde batetik eta Zabala eta San Miguel bestetik. Bigarren finalerdia hortik ordubetera izango da eta protagonistak Loidi-Luixa eta Albiasu-Erburu dira.
Bihar, ostegunean, erreleboa hartuko dute bigarren mailako eta txapelketa herrikoiko bikoteek. Beste hiru finalerdi ere jokatuko dira: 11:15etan, bigarren mailan, Agirrek eta Manterolak, Murillo eta Berrioren aurka jokatuko dute; 18:00etan hasiko den finalerdi herrikoi bat izango da ondoren, Polaina eta Arregi, Lujanbio eta Zabalegiren aurka; eta azkenik, 19:00etan, bigarren mailako bigarren finalerdian ariko dira Paulo eta Xuban, Arkaitz eta Urtziren aurka.
Finalak larunbat goizean, 10:00etatik aurrera
Tilos 7 Pasako finalak larunbatean jokatuko dira eta 10:00etan hasiko dira. Goiztiarrenak bigarren mailako finalistak izango dira, ondoren 11:00etan lehenengo mailako bi bikotek hartuko dute erreleboa. Eguerdiko 12:00etan nesken finala jokatuko da eta hemen dagoeneko ezagutzen dira finalistak:
Mazizior eta Kerejeta batetik eta Urien eta Ansotegi bestetik. Txapelketari amaiera emango diote, 13:00etan, final herrikoiarekin. Hemen, Joanes eta Larburu finalean daude baina bihar ezagutuko dute bikote aurkaria.
Finalak amaitu ondoren, 13:45etan sari banaketa egingo dute eta gero denak Txalaparta elkartean izango dira bazkaritan. Euria eginez gero finalak astebete atzeratuko dira, azaroaren 6ra.