Azken aste hauetan Goiz Eguzkik ateak berriro ireki ditu eta hainbat jarduera hasi ditu. Orain Santo Tomas txapelketa jokatzeko ordua da. Bertan binakako karta-jokoak (mus, tute, escoba eta puntto) eta kaleko banakako jolasak (toka, igel-toka, bote eta dardoak) izango dira. Izen emateak gaurtik azaroaren 8ra arte egingo dira, bulego orduetan. Modalitate bakoitzean lehenengo bi sailkatuentzat sariak egongo dira.