Abadiñoko probalekuan hartu zuen lur atzo, 2021eko Euskal Herriko Eskolarteko Txapelketaren finalak. 11 bertsolari aritu ziren bertsotan, eta bertan izan zen Ekain Tolaretxipi hernaniarra.
Hasierako agurra eginda, hura ere puntuagarria, bina bertso bota zituzten bertsolari gazteek. Ariketa horietan puntu gehien jaso zituzten sei parte-hartzaileak igaro ziren hurrengo fasera, eta horien artean sailkatu zen Tolaretxipi. Bakarka egin zituzten sei bertsolariek bigarren faseko ariketak: puntua emanda lehena, eta gaiarekin bigarrena. Horren ostean, epaileen erabakiaren berri emateko igo zen Idoia Anzorandia oholtzara, eta Haira Aizpuruak eskuratu zuen 2021eko Euskal Herriko Eskolartekoaren txapela. Bigarren postua, berriz, Maddi Agirrerentzat izan zen.