Eskalatzeko aukera izango dute gazteek, datorren azaroaren 6an. Hain justu, Gaztelekuak irteera antolatu du eta Pio Baroja kiroldegia izango dute helmuga. Egun horretan, anbulatorioaren ondoko BU-11 autobus geltokian (G1a zena) elkartuko dira, arratsaldeko 15:20etan. Zabalik dago izena emateko epea, azaroaren 2ra arte. Apuntatu nahi dutenek, Gaztelekura bertaratu eta izenemate orria betetzea besterik ez dute. Beharrezkoa izango da 5 euroko fidantza uztea; baina, gero, itzuli egingo diete, ekintza bukatutakoan.