Hernanin ere izango da zeregina, urriko kultur agendako azken egunetan. Datorren larunbatean, hilaren 30ean, Tormesko Laxaro antzerkia izango da Biterin, 12:00etan. Piedras de Cartón konpainiaren obra da, eta, lehen aldiz, Tormesko itsumutila istorio klasikoa testu gabe kontatuko dute, maskaren bidez; izan ere, mutua da antzerkia, eta maskarak erabiliko dituzte antzezleek.