Bihar igandean izango da Eskolarteko Mendi Lehiaketako Finalistaren Eguna. Aurtengoa, 33garren edizioa, Hernanin zehar izango da, Mendiriz Mendik antolatuta. Goizeko 09:00etan abiatuko dira partehartzaileak Atsegindegitik, eta mendi ibilaldia egingo dute Osiñagan barrena. Gutxi gorabehera, txangoak bi orduko iraupena izango duela aurreikusi dute. Ondoren, sariak eta opariak banatu eta zozketatuko dituzte, lehiaketan parte hartu duten ikastetxeen artean. Finalistaren Eguna Gipuzkoako eskolamendizaletasunaren jaia izan ohi da, eta, bertan, Mendi Lehiaketako partehartzaile sailkatuei diplomak ematen zitzaizkien. Baina, pandemia medio, eskola-jarduerak bertan behera geratu zirenez, aurten ez dago finalistarik.