Igeriketa denboraldia gaur hasiko da Gipuzkoan eta 22 hernaniarrek hartuko dute parte Lasarten, Ordizian eta Irunen. Gipuzkoako Neguko Ligaren lehenengo jardunaldia da eta Hernani Kirol Elkarteko hamasei igerilarik eman dute izena 16:00etan hasiko den Ordiziako jardunaldian. Hamazazpigarren igerilaria Enaitz Goñi izango da, aurten Tolosaldeako taldean.
Bestetik Irungo egoitzan hernaiar batek ere egingo du igeri. Kerman Urretak Konportako taldearekin parte hartuko du.
Lasarten ere 16:00etan hasiko da Alebin Ligako jardunaldia. Denera, bost igerilari arituko dira 100 metro bular eta 50 libreko proban.
Ligaren jardunaldi bakoitzean proba ezberdinak iragartzen dira eta lehendabiziko eta erdiko entrenamendu saioak eta gero lehenengo konpetizioa izaten da. Ondoren etorriko dira txapelketa garrantzitsuagoak igerilarientzat.