Joan den astearterako zuten hitzordua, Arriatxun, Arriatxu Eskolako ikasle izandakoek. Lagun mordoa bildu ziren bilera eta bazkaria egiteko, eta egun ederra izan zuten aspaldiko kontuak gogoratuz. «Kontu kontari ari ginen; eta, bazkal ostean, musika eta guzti izan genuen. Arratsaldera arte luzatu genuen topaketa eta batzuk afaltzen ere gelditu ziren», kontatu du bertaratu zen herritar batek.